هام جدا عايز تضحك ادخل بسرعة

بسم الله الرحمن الرحيم


1
مجنون و مجنونة كانو ماشيين جمب بسين فى مستشفى المجانين ... فالمجنون رمى نفسه فى المياه والمجنونة انقذته (جاه الدكتور تانى يوم للمجنونة وقال لها عندى ليكى خبرحلو والتانى وحش الاول انتى خفيتى وهتخرجى من المستشفى ، والتانى صاحبك المجنون شنق نفسه) قالت له لأ ..ده انا كنت معلقاه عشان ينشف


2
بلدينا ماسك قنبله وعمال يحدفها من الإيد دى للايد دى ، قابله واحد تانى قال له خرب بيتك ولما تنفجر فى وشك ، قاله : ماتخافش معايه غيرها


3
اجتمع الأولاد حول أبوهم وهو يلتقط آخر أنفاسه وأراد الأب أن يعلمهم درساً من دروس الحياة فأمسك عصا بيده وأعطاها لأحد أبنائه، وقال له: اكسرها فكسرها، فابتسم الأب ثم أمسك مجموعة من العصي وقال له: والآن اكسر هذه فأمسكها الولد وكسرها، فصمت الأب ثم أمسك مجموعة أكبر من العصي وقال: والآن حاول أن تكسر هذه، فأمسكها الولد وكسرها، فقال الأب: أرأيتم يا أبنائي مادام هذا الجحش معاكم، فلا خوف عليكم

4
إتنين طرش واقفين على محطة الأوتوبيس فدار بينهم هذا الحوار-الأوتوبيس ده رايح مصر الجديدة ؟؟-إيه ؟ على الحديدة ؟؟ ليه إنت طالب إحسان ؟؟ -بذرة الكتان ؟تلاقيها عند العطار -الجزار! إنت عاوز لحمة ؟؟ -زحمة ؟! معلش أصل ده معاد خروج الموظفين -نور الدين ؟! معرفوش -متشربوش ؟؟ ليه كفا الله الشر -راس البر! دا مصيف هادى -المعادى ؟؟ دى ضاحية جميلة -بليلة!!! إنت جعان -عيان ؟؟ متروح للدكتور-حنطور ؟! دى مواصلة جميلة توصلك لحاد الباب -هباب! @ و أنا إلى كنت فاكرك محترم-إتخرم ؟؟ هو مين ؟؟ -أسبرين ؟؟ ليه إنت عنك صداع ؟؟ -قراع ؟ دا مرض خطير -فطير ؟؟ده تقيل على المعدة و تمنه غالى -خالى ؟؟ إنت تعرفه ؟؟ دا كبير فى السن -جن ؟!#إنت راكبك عفريت !!!! -كبريت ؟ عاوز تولع ؟؟ -أتدلع ؟؟؟؟!ليه مفيش حد غيرك أتدلع عليه فمر بيهم راجل شرطة لقاهم بيتخانقوا فقالهم : واقفين هنا بتعملوا إيه قالولوا : مستنيين الإوتوبيس فقالهم : يانهاركم إسود . جواسيس ؟؟ طب تعالوا معايا على القسم


5
مرة واحد اسكندرانى لقي بنته راجعة البيت الساعة 3 الصبح قال لها: كنت فين يا يا بت؟ قالت له: كنا بنتمشوا مع واحد صاحبي يا بابا. قال لها: خشى نامى احنا نحبوا الصراحة


6
فلاح مسك فرخة من رجليها ونتف ريشها وقطعها.. وقال للفراخ اللي مش هتجيب بكرة خمس بيضات هقطعها زي الفرخة دي..تاني يوم لقي كل الفراخ بايضة خمس بيضات ماعدافرخة بايضة تلات بيضات بس.. فقاللها ايه ده؟؟ قالت له استر عليا ده انا ديك



اتمنى تكون عجبتكم