ما رأيك في جوائز المتميزين

بصراحة كان فيه ظلم شوية لإن 3 / 3
اختاروا منها 6 بنات
و 3 / 8
اختاروا منها 3 ولاد
و 3 / 9
اختاروا منهم 4 ولاد
وفصل 3 / 7
اختاروا اتنين بس مع ان فصلنا اكتر فصل متميز في الصبيان وتاني فصل علي المدرسة
ويختاروا اتنين بس انا عارف ان المفروض اتنين بس الفصول التانية اختاروا 3 و 4
وشكرا

يا ريت كل واحد يقول رايه

عادى بس المفروض مدرس الفصل هوا اللى يختار وممكن يكون المدرس شايف ان هما متميزين فقال عليهم وبعدين على فكرة الحكاية دى مش هتفرق مع حد لان كله هيبان فى امتحانات نصف السنة وهنعرف مين اللى بجد متميز ومين.............؟

على فكره عندك حق يا جوجو وانا معاكى فى الموضوع ده

ميرسي جامد جدى يا جمر

بس انا عندى ملحوظة صغنونة خالص المفروض ان الموضوع ده يتحط في قسم الحوار والنقاش مش القسم الاسلامى

انا عارف ان الموضوع المفروض يتحط في قسم الحوار المناقشضة بس انا لقيت الناس كلها بيدخلوا علي المنتدي الاسلامي فكتبته هنا وعايز الفت نظركم لحاجة المدرسين في فصلنا اختاروا اكتر من اربعة بس كتبوا اتنين عشان التزموا بالعدد
وفيه حاجة تانية مهمة كلنا نسينا نكتب عنها
فضل الايام العشر لذي الحجة

مش عرفة والله الناس بتشغل بالها بالحاجات دى ليه يعني هوا مفيش حد في المدرسة دى تاني متفوق غير الناس اللى طلعت وادلهم جوايز لا طبعا اكيد في ناس متفوقين علميا وادبيا كمان بس انا زى ما قولت دى كلها شكليات ومظاهر وكله هيبان في الامتحانات اللى جاية بتاعت الشهر والترم هنشوف بقى مين اللى فعلا اللى لازم يكرمه ومين........؟

انا معاكم فى ان المتفوقين ها يبانو فى الامتحانات بس ده باردو ما يمنعش ان الى طلعو دول مش متفوقين لا دول متفوقين اوى بس انتا كمان ما تهريش وتقول انا انتو تانى فصل فى المدرسه وبعدين ما تتكلمش على نفسك وبس لا ها تتكلم اتكلم على كل الفصول بتاعت الصبيان اخترو من الصبيان من كل فصل اتنين فا ما تبلاغش فى الحته دى اوى كده

والله يا جماعه انتوا شاغلين نفسكوا بحاجات غريبه انا اعرف ان مثلا انا ماتكرمتش يبقى المفروض انى احاول اظهر نفسى وابين للمدرسه كلها انى استاهل انى اتكرم مش اقعد زعلانه وحاطه ايدى على خدى وباشغل نفسى بحاجات هايفه كده

ولا انا غلطانه

مش عارفة والله انا معاك في الكلام ده يا نهال

اللي بيقول ان انا ببالغ احب اقوله انا ما ببالغش انا بقول الحقيقة واللي بيقولوا ان 3 / 3 من المتفوقين
انا طلعت برده من المتفوقين
وعلي فكرة فيه ناس عندها حق المفروض نشتغل ونذاكر عشان نوري للناس مين اللي يستحق الجوائز

بصو يا جماعه بصراحه انتو بتكبرو المواضيع من غير لازمه يعنى موضوع زى ده خلاص اللى اتكرمه اتكرمه واللى ماتكرمش عادى يعنى ركز ياعم فى الامتحانات اللى جاية مهو فيه ناس كتيرة شاطرة ومتكرمتشى ولا انتو شايفين ايه

اوك يا مهدي

صلوا على النبي بقى وعلى فكرة مدرسة اطسا الاعدادية كلها شطار ارتحتوا اهدوا والله الموضوع ما مستاهل خالص لكل ده يعني شغلين بالكوا من حاجات مش هتنفعكوا لا في دراستكوا ولا الامتحانات احنا عايزين زي ما بتتحدوا بعضكوا هنا عايزين ده يكون في المدرسة وهنشوف بقى وبعدين اهى الامتحانات بتاعت الشهر جاية وهاثبتوا لنفسكوا اذا كنت شاطر ولا مقصر عشان تقدر نفسك في المذكرة عامل ايه وبعدين لو شاطر زودوا شطارتكم ولو مقصر في المذكرة لا تحولوا انكوا تكونوا متفوقين عشان الامتحانات بتاعت نصف السنة يعني مش مستاهل والله

الفكرة بتاعة الاسئلة حلوة بس يا ريت نأجلها لمسابقة اوائل الطلبة

الموضوع مكانو مش هنا اى موضوع فى غير مكانو هحذفوا ماتزعلش

ثانيا الموضوع خلص اوالكلام مش هيقدم بس عشان اصحابنا زعلو انهم ماتطلعوش بس ادى الموضوع وبعدين لامتحانات نصف النة ولا امتحانات اخر السنة اللى هتفرق
2 ثانوى و3 ثانوى تمام اووووووووى كده

ايون معاك حق والله يا عبدالله ده الكلام اللى انا عمالة اقوله من الصبح وفعلا الامتحانات اللى هتفرق

بص يا عبدالله عايز تمسح الموضوع امسحه بس يا ريت لو تنقله يبقي احسن لإن الموضوع انتهي
و3 اعدادي فعلا هي اللي هتفرق
يا رب نطلع بس من الأوائل
ادعوووووووووووووووووووووووووووووووووووووا

يا جماعة الحصل إن الجمعية العتطنا الجوائز جات فجأة فأختاروا بسرعة
فمش معني إن واحد مطلعش وإتكرم يبقي مش متفوق ومش
معني إن واحد إتكرم يبقي أحسن من المتكرمش وبعدين دي حاجات هايفة ورمزية
والمفروض يعني بما إننا كبار وفـ3 إعدادي الحاجات دي متشغلش بالنا
والموضوع خلص خلاص أهم حاجة نركز في المذاكرة علشان الإمتحنات
علي الأبواب ويا رب كلنا نطلع من الأوائل قولوا آميــــــــــــــــــــــــن

آميــــــــــــــــــــــــــــــــــــــــــــــــــــن