ما رأيك في الاذاعة المدرسية الانجليزية

انا بصراحة رأيي ممكن ما يعجبش اللي عملوا الاذاعة بس هي فكرة مش حلوة
عشان احنا مش ف مدرسة تجريبية واذا كنا بنعمل اي حاجة عشان نخليهم يسمعوا الاذاعة بالعربي عشان يفهموا حاجة لكن انا نفسي ما فهمتش ولا كلمة
وبالنسبة لأغنية هانا مونتانا هي اغنية حلوة بس فيه كتير اصلا ما يعرفوش مين هي هانا مونتانا
ودلوقتي يا ريت كله يقول رايه
بس محدش يزعل من رأيي
انا قلت رأيي مع التعليل

وامتى عملو اذاعة مدرسية بالانجليزى

يا جماعة عادى والله (ثأفة مش ثقافة) بس هى كانت نص نص

بصوا والله اللى مافهمش حاجه ده مش ذنبنا وبعدين هى المدارس التجريبيه هى بس اللى لازم تبقى الازاعه فيها بالانجليزى على فكره فيه مدارس تجريبيه كتير فيها ناس مش بتعرف تتكلم انجليزى

وانا مش باقول كده علشان انا من ضمن اللى عملوا ازاعه بالانجليزى انا باقول كده علشان هى ديه الحقيقه وعلى فكره انا معاكوا انها ماكانتش حلوه قوى يعنى بس الى حد ما كويسه ومش مهم انه يبقى كل اللى فى المدرسه عارفين هانا المهم يعرفوا المعنى والرساله اللى بتقولها فى الاغنيه

وايه بقى المعنى او الرسالة اللى وصلتها الاغنية عشان انا مش فهمت حاجة ولا سمعت اصلا اساسا

طب وانا زنبى ايه

بصى ياستى هى فى لاغنيه بتقول لباباها على الحجات اللى عملها معاها من وهى صغيره وبتشكره وبتطمنه عليها

ااااااااااااااااااه ... عارفاها الاغنية دى

وبعدين بطلى بقى خلينا نذاكر شويه عشان امتحان الرياضة (ويوم الامتحان يكرم المرء او يهان) ربنا يستر

لازم الاغنية تكون مفهومة عشان الطلاب يسمعوا
الاذاعة المفروض تكون مفهومة وذنبكوا ان انتوا لو عايزين تعملوا اذاعة انجليزية لازم تخلوا كل الطلاب فاهمين انجليزي
ولا انا غلطــــــــــــــان

الاغنية انا سمعتها قبل كده
وهي اغنية حلوة

طيب اشمعنا انا فهماها والله ده مش تاصير منى انا ده تاصير منكوا انكوا مش عارفين اللغه اللى انتوا بتتعلموها على فكره الاغنيه ديه مافيهاش ولا كلمه واحه ماخدنهاش فى المنهج بتاعنا انتوا اللى بتاخدوا الكلمات الانجليزى تحفظوها لحد الامتحان وبعد كده تنسوها مش بتعودوا نفسكم وده الفرق وده برضوه زنبكم انتوا مش زنبى اناانت لو شفت كلمات الاغنيه ولو انت اساسا فاكر الكلمات اللى احنا اخدناها فى الانجليزى من كام سنه وبتقعد تتعاد كل سنه هاتعرف معنى الاغنيه ولو انا غلطانه ابقى قول

صلي على النبي يا عمتو بقى انتي الكبيرة

ماشى يا ست جوجو انا بس كنت بعرفه ان انا مش غلطانا انى عملت ازاعه بالانجليزى

انا ما سمعتش ولا كلمة من الاغنية ولو كتبتي كلماتها ممكن اترجمها وانا والله الحمد لله عهارف كلمات في الانجليزي تخليني اقدر اترجمها المسكلة اني ما سمعتهاش

وكمان حضرتك ترجمتي الاغنية من نفسك ولا شوفتي الترجمة ولو حتي ترجمتيها من نفسك فأكيد سمعتيها بوضوح
مش زي المايك بتاع المدرسة اللي يا دوب نعرف منه القران

على فكره انا ترجمتها من نفسى وبعدين انت بتقول ان انت ماسمعتهاش من المايك بوضوح صح بس مش انت قولت قبل كده ان انت سمعت الاغنيه ديه قبل كده يعنى تعرف تترجمها من غير ما تسمعها من المايك او حتى اقولك على الكلمات صح يبقى انت اللى مش عارف تترجمها بس مش راضى تعترف

اللهم صلى وسلم على النبى خلاص ياريم مافيش حاجه

ههههههههههههههههههههههههه صح يا باشا

يالله نبدا every night in my........ مش بتقولى ليه هه هههههههههههههههههههه

خلاص كفاية ده نبقى نكمل في المدرسة

انا ما بكلمش عن نفسي انا بتكلم نيابة عن كل الطلاب مش كلهم عارفينها

خلاص يا جماعة بقى وبعدين لو الصبيان مستعدة تعمل اذاعة تعمل احنا مش هنمانع والله بس تعملوا انتوا بس وهنشوف اذا كانت حلوة او وحشة وتبقى حضرتك تعمل تصويت زى ما عملت على ده خلاص والموضوع اصلا مش مستاهل للجدال ده كله اهوا يوم وراح لحاله مش بادينا نرجعه تاني لو كان بادينا نرجعه تاني كنا هنعمل بردوا اذاعة بالانجليزى ها عادىيعني والله

ولا ايه يا جماعة ولا انا غلطانة ؟

طيب انت بتتهرب ليه ليه مش راضى تعترف ان انتى اللى مش عارف تترجم الاغنيه

عندك حق يا جوجو انتى عمرك ما قولتى حاجه غلط

يا ريت اللي بيكلم يعرف عن نفسه ما يدخلش باسم مستعار
وبعدين الحكاية فعلا مش محتاجة كل الجدال ده

لو الاغنية مضايقة حضرتك اوي خلاص مش هنتكلم فيها تاني احنا داخلين علي ايام جميلة يا ريت كله يستفاد منها

انا زهقتلكوا والله من الموضوع ده

خلاص مش هنتناقش فيه تاني
عشان الكل يستريح

براحتكوا انا بالنسبةليا عادى بس انا شايفة ان الموضوع خلاص مش هنقدر نرجعله تاني ونغيره وخد اكتر من حقه

انا بتاسف لصاحبي محمود وبقله انا اسف مكنش قصدي انا كن مضايق ساعتها وياريت تقبل اسفي

[b]

خلاص يا جماعه الموضوع اتقفل وانا كمان بصراحه زهقت وديه حاجه يعنى مش تستاهل بس علشان كانت الاهانه ليا انا فده خلانى اثبت حاجه انا كنت عايزه اثبتها لنفسى واثبتها خلاص ودلوقتى انا مستريحه

انا ما اقصدش اهانة لحد انا كنت بقول ياريت الاذاعة تكون مفهومة عشان نسمعها
ولو حد حس ان انا اهنته انا بقوله انا اسف وانا قبلت اعتذارك يا سيف الله
بس امتب بقي اسمك الحقيقي

على فكره للمعلوات بس احنا هانعمل ازاعه بالانجليزى الاسبوع ده ان شاء الله والله فهمتوها كويس مافهمتوهاش بلاش بقى نقعد ننتقد ونزعل بعض ونعمل مشكله تانيه على الفاضى لانى المره الجايه مش هاقبل اى اعتزارات ويا ريت كل واحد يبقى ياخد بالوا من كلامه بعد كده

ولا يهمك يا كبيرة كله هيبقى تحت السيطرة

اه ياخوفى الكلمه ديه دايما بيقولها البوليس المصرى فى الافلام بس مش بيبقى فيه حاجه تحت السيطره خااااااالص دول بيبهدلوا الدنيا اكتر هههههههههههههههههههههههههههههههه

انا مش هقول اي اعتذارات ولا هنتقد حد بعد كده عشان محدش يزعل مني

بس كان يوم حلو اوووووووووووى النهاردة يا عمتو والاذاعة كانت حلوة بردو والله

بصراحة الاذاعة كانت حلوة بس انا بقي المرة دي انا ما اكدبش عليكم
انا ما سمعتهاش لإني كنت مشغول بس انا سمعت صوت واضح

طيب الحمد لله